Feed aggregator

အစ္စရေးနဲ့ ပါလက်စတိုင်း ၂ နိုင်ငံအကြား တိုက်ရိုက်ဆွေးနွေးပွဲ ပြန်လည် စတင်ခဲ့တာ ၁ ရက်တာ ပြီးမြောက်သွားပါပြီ။ ဒီဆွေးနွေးပွဲဟာ ငြိမ်းချမ်းရေးအတွက် နောက်ဆုံး အခွင့်အရေးပဲ ဖြစ်တယ်လို့ အမေရိကန် နိုင်ငံခြားရေး ၀န်ကြီး ဟယ်လာရီ ကလင်တန်က မနေ့တုန်းက ပြောဆိုလိုက်ပါတယ်။

အစ္စရေးရော ပါလက်စတိုင်းရော ၂ နိုင်ငံလုံးဟာ လုံခြုံရေး၊ ငြိမ်းချမ်းရေးနဲ့ နိုင်ငံ ထူထောင်ရေးတွေ အတွက် ပြင်းပြတဲ့ ညိနှိုင်းလိုစိတ်တွေ ရှိနေကြတာမို့ ဒီအချိန်ဟာ သိပ်အရေးကြီးတဲ့အချိန် ဖြစ်နေတယ်လို့လည်း ၀န်ကြီးကလင်တန်က အစ္စရေးနဲ့ ပါလက်စတိုင်း ၂ နိုင်ငံက ရုပ်မြင်သံကြား သတင်းထောက်တွေကို ပြောပါတယ်။

ကာလကြာရှည်နေပြီ ဖြစ်တဲ့ အရှေ့အလယ်ပိုင်း ပဋိပက္ခကို ပြေလည်အောင် ဆုံးဖြတ်ဖို့အတွက် ဒီတကြိမ်ဟာ နောက်ဆုံး အခွင့်အရေး ဖြစ်တာမို့ အမေရိကန် ပြည်ထောင်စုကလည်း ဒီကိစ္စကို နှစ်နိုင်ငံခေါင်းဆောင်တွေ အနေနဲ့ သေသေချာချာ ချိန်ထိုး စဉ်းစားကြစေချင်ပါတယ်လို့လည်း ၀န်ကြီးကလင်တန်က ပြောပါသေးတယ်။

ကြာသပတေးနေ့မှာ ပြုလုပ်ခဲ့တဲ့ အစ္စရေးဝန်ကြီးချုပ် ဘန်ဂျမင် နာတန်ယာဟူး (Banjaman Natanyahu) နဲ့ ပါလက်စတိုင်းသမ္မတ မာမွတ် အာဘက်စ် (Mahmoud Abbas) တို့ရဲ့ တွေ့ဆုံဆွေးနွေးမှုဟာ ၂ နှစ်နီးပါးအတွင်းမှာ ပထမဆုံးအကြိမ် အဖြစ် ပြန်လည် စတင်တာပဲ ဖြစ်ပါတယ်။

ခေါင်းဆောင် ၂ ယောက်တို့ဟာ ဒီဆွေးနွေးပွဲအပြီးမှာ အနိမ့်စားအဆင့် ညှိနှိုင်းမှုတွေ ဆက်လုပ်ဖို့ လာမယ့် စက်တင်ဘာလ ၁၄ ရက်နဲ့ ၁၅ ရက်နေ့တွေ ကျရင်လည်း အီဂျစ်နိုင်ငံမှာ တွေ့ဆုံကြမယ်လို့ သဘောတူခဲ့ကြပါတယ်။

အာဖဂန်နိုင်ငံအတွင်း အမေရိကန်ရဲ့ မဟာဗျူဟာဟာ အလုပ်ဖြစ်နေတာကြောင့် အားတတ်မိတယ်လို့ အမေရိကန် ကာကွယ်ရေးဝန်ကြီး ရောဘတ်ဂိတ်စ်က ပြောပါတယ်။ ဒါပေမဲ့လဲ လာမယ့် ရက်တွေအတွင်းမှာ ပြင်းထန်ခက်ခဲတဲ့ တိုက်ပွဲတွေ အတော်များများ ရှိလာလိမ့်မယ်လို့ သတိပေးပြောပါတယ်။

တာလီဘန်သူပုန်တွေ အဓိက ခြေကုပ်နယ်မြေဖြစ်တဲ့ တောင်ပိုင်း ကန်ဒါဟာ ပြည်နယ်အတွင်းက စစ်စခန်းနှစ်ခုမှာ အမေရိကန်တပ်ဖွဲ့ဝင်တွေနဲ့ စည်းဝေးအပြီး မစ္စတာဂိတ်စ် က သတင်းထောက်တွေကို အခုလို ပြောလိုက်တာပါ။ အာဖဂန်နိုင်ငံ စစ်ဆင်ရေးအတွက် အမေရိကန်စစ်အင်အား ထပ်တိုးရာမှာ နောက်ဆုံး အသုတ်ဖြစ်တဲ့ အမေရိကန် တပ်သား ၃ သောင်းဟာ အခုလအတွင်း တောင်ပိုင်း ကန်ဒါဟာကို ရောက်ရှိမှာပါ။

စစ်ဆင်ရေးအတွင်း နိုင်ငံတကာ တပ်ဖွဲ့တွေအကြား အထိအခိုက်မှာ အခုနောက်ဆုံးရတဲ့ သတင်းကတော့ သူပုန်တွေရဲ့ တိုက်ခိုက်မှုကြောင့်
တောင်ပိုင်းမှာ နေတိုး ၀န်ထမ်းတဦး သေဆုံးသွားတယ်လို့ နေတိုးအရာရှိတွေက ပြောပါတယ်။ အာဖဂနစ္စတန်တွေ အနေနဲ့ သူတို့လုံခြုံရေး ကိစ္စကို သူတို့ဖာသာ တာဝန်ယူနိုင်ပြီ ဆိုတာနဲ့ လုံခြုံရေးတာဝန်အ၀၀ကို အာဖဂန်လက်ထဲ လွှဲပြောင်းပေးလိုတယ်လို့ အမေရိကန်ကာကွယ်ရေးဝန်ကြီး ဂိတ်စ်က ပြောပါတယ်။

လာမယ့်နှစ် သြဂုတ်လမှာ အာဖဂန်က အမေရိကန်တပ်ဖွဲ့ဝင်တွေ ရုတ်သိမ်းဖို့ အိုဘားမားအစိုးရက ရည်မှန်းထားပါတယ်။

မြန်မာနိုင်ငံတွင်း လူ့အခွင့်အရေး ချိုးဖောက်မှုတွေအပေါ် နိုင်ငံတကာ စုံစမ်းရေး ကော်မရှင်တရပ် ဖွဲ့ရေးကိစ္စကို အမေရိကန်ပြည်ထောင်စုက
ဦးစီး ဦးဆောင်ပြုလုပ်ပြီး ကုလသမဂ္ဂ အတွင်းရေးမှုးချုပ်က ဘယ်လို နည်းနဲ့ ဆောင်ရွက်မယ်ဆိုတာ အဆုံးအဖြတ်ပေးဖို့ နိုင်ငံတကာ လူ့အခွင့်အရေး အဖွဲ့ (Amnesty International) က တိုက်တွန်းနေပါတယ်။ စုံစမ်းမေးမြန်းထားတဲ့ ကိုသားညွှန့်ဦးက တင်ပြထားပါတယ်။

မြန်မာနိုင်ငံတွင်း လူသားမျိုးနွယ်အပေါ် ကျူးလွန်တဲ့ ရာဇ၀တ်မှု၊ စစ်ရာဇ၀တ်မှုတွေ ရှိမရှိ နိုင်ငံတကာ စုံစမ်းရေး ကော်မရှင်တရပ် အရေးတကြီး ဖွဲ့စည်းရေး မကြာခင် ကျင်းပတော့မယ့် ကုလသမဂ္ဂ အထွေထွေ ညီလာခံကြီးကနေ ဆုံးဖြတ်ပေးဖို့ လန်ဒန်အခြေစိုက်
နိုင်ငံတကာ လူ့အခွင့်အရေး အဖွဲ့က တောင်းဆိုလိုက်တာပါ။ စုံစမ်းစစ်ဆေးတဲ့နေရာမှာ အစိုးရလုံခြုံရေး တပ်တွေက အရပ်သား လူထုအပေါ်မှာ စံနစ်တကျ ညှင်းပမ်း သတ်ဖြတ်မှုတွေ ရှိတယ်ဆိုတဲ့ သတင်းတွေကို အလေးပေး စုံစမ်းဖို့ AI အဖွဲ့က တိုက်တွန်းပါတယ်။ အထူးသဖြင့်ဆိုရင်တော့ ရခိုင်ပြည်နယ်အတွင်း မူစလင်တွေ၊ ရှမ်းပြည်နယ်နဲ့ ကရင်ပြည်နယ်အတွင်းက တိုင်းရင်းသား လူမျိုးတွေအပေါ် ကျူးလွန်တဲ့ ရာဇ၀တ်မှုတွေကို စုံစမ်းဖို့လိုတယ်လို့ ထောက်ပြပါတယ်။

ရှမ်းပြည်နယ်နဲ့ မြန်မာနိုင်ငံ အရှေ့ဖက်ခြမ်းမှာ လက်နက်ကိုင် အုပ်စုတွေဟာ နိုင်ငံတကာ လူ့အခွင့်အရေး ဥပဒေတွေနဲ့ နိုင်ငံတကာ
လူသားချင်းစာနာမှုဆိုင်ရာ ဥပဒေတွေကို ချိုးဖောက်မှုရှိမရှိ စုံစမ်းဖို့လိုတယ်လို့ ထုတ်ပြန်ခဲ့ပါတယ်။ လက်ရှိအားဖြင့်တော့ နိုင်ငံတကာ စုံစမ်းစစ်ဆေးရေး ကော်မရှင်ဖွဲ့ရေး ကိစ္စကို အမေရိကန်ပြည်ထောင်စု၊ ဗြိတိန်၊ ကနေဒါ၊ သြစတေးလျ၊ ချက်သမ္မတနိုင်ငံနဲ့ စလိုဗက်ကီးယား နိုင်ငံတို့က ထောက်ခံထားကြပါတယ်။ ဥရောပနိုင်ငံအချို့လည်း မကြာခင် ပူးပေါင်း ပါဝင်လာကြလိမ့်မယ်လို့ လူ့အခွင့်အရေး အဖွဲ့တွေကတော့ မျှော်လင့်နေပါတယ်။ ဒါပေမဲ့ ဒီကိစ္စ အမြန်ဆုံး အကောင်အထည် ပေါ်လာဖို့ရာ အမေရိကန်ပြည်ထောင်စု အနေနဲ့ ဦးစီး ဦးဆောင်လုပ်ဖို့ လိုမယ်လို့ AI အဖွဲ့ရဲ့ ၀ါရှင်တန်ရုံး ဒါရိုက်တာ T. Kumar က ပြောပါတယ်။

“မြန်မာနိုင်ငံတွင်း လူ့အခွင့်အရေး ချိုးဖောက်မှု နိုင်ငံတကာ စုံစမ်းရေးကော်မရှင်တရပ် ဖွဲ့စည်းရေးကိစ္စကို အမေရိကန်ပြည်ထောင်စုက ဦးစီး ဦးဆောင်လုပ်ပြီး ဆောင်ရွက်ဖို့ ကျနော်တို့ နိုင်ငံတကာ လွတ်ငြိမ်းချမ်းသာခွင့် အဖွဲ့ကြီးက တောင်းဆိုထားပါတယ်။”

မြန်မာနိုင်ငံတွင်း လူ့အခွင့်အရေးနဲ့ ဒီမိုကရေစီရေး တိုးတက် ကောင်းမွန်ဖို့ မြန်မာနိုင်ငံဆိုင်ရာ ကုလသမဂ္ဂ ဆုံးဖြတ်ချက်တွေနဲ့ ပတ်သက်လို့ အမေရိကန်ပြည်ထောင်စု အပါအ၀င် အနောက်နိုင်ငံ အများစုက မကြာမကြာ အဆိုတင်သွင်းတာတွေ ရှိပေမဲ့ မြန်မာစစ်အစိုးရနဲ့ နီးစပ်တဲ့ တရုတ်၊ ရုရှား စတဲ့ ကမ္ဘာ့အင်အားကြီး နိုင်ငံတွေနဲ့ တတိယ နိုင်ငံအချို့က ဒီအဆိုတွေကို ကန့်ကွက်ပယ်ချတာတွေ ရှိခဲ့ဖူးပါတယ်။ ဒါကြောင့် ဒီတခေါက်မှာရော  မြန်မာလူ့အခွင့်အရေးကိစ္စ နိုင်ငံတကာ စုံစမ်းရေး ကော်မရှင်ဖွဲ့ရေး ဖြစ်နိုင်ပါ့မလား တွေးစရာပါ။ မစ္စတာ T.Kumar ကတော့ ဖြစ်နိုင်ချေလမ်းတွေ ရှိတယ်လို့ ယူဆပါတယ်။

“ဒါတွေက လုံခြုံရေးကောင်စီအတွင်းမှာ ဖြစ်ခဲ့တာပါ။ အခု နိုင်ငံတကာ စုံစမ်းရေး ကော်မရှင်ဖွဲ့ဖို့ ကိစ္စကို အခြားနည်းလမ်းတွေနဲ့ ဆောင်ရွက်လို့ရပါတယ်။ အထွေထွေ ညီလာခံကြီးကတဆင့် ဆောင်ရွက်လို့ရတဲ့နည်း ရှိသလို လူ့အခွင့်အရေး ကောင်စီကတဆင့်
ဆုံးဖြတ်လို့ရတဲ့ နည်းလည်း ရှိပါတယ်။ ကုလသမဂ္ဂ အတွင်းရေးမှူးချုပ်က ဆုံးဖြတ်ရမှာပါ။”

မြန်မာနိုင်ငံမှာ လူသားမျိုးနွယ်အပေါ် ကျူးလွန်တဲ့ ရာဇ၀တ်မှုတွေရှိမရှိ နိုင်ငံတကာ စုံစမ်းရေး ကော်မရှင်ဖွဲ့ဖို့ကိစ္စကို ကုလသမဂ္ဂရဲ့
မြန်မာနိုင်ငံ ဆိုင်ရာ လူ့အခွင့်အရေး ကိုယ်စားလှယ် သောမတ် အိုဟေးကင်တာနား က အခုနှစ်ဆန်း မတ်လ လူ့အခွင့်အရေး ကောင်စီကို အဆိုပြု တင်ပြပြီးကတည်းက ဒီကိစ္စက အတော်လေး ကျယ်ပြန့်လာပါတယ်။ နိုင်ငံတကာ လူ့အခွင့်အရေးအဖွဲ့တွေရော နိုင်ငံကြီးအချို့ ကပါ ထောက်ခံလာကြပေမဲ့လို့ အဆုံးအဖြတ် ပေးပါလို့ တိုက်တွန်းခံနေရတဲ့ ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်း ဆီကတော့ တုံ့ပြန်သံ ဘာမှ မကြားရသေးပါဘူး။

၂၀၀၈ ခုနှစ် AI အစီရင်ခံစာထဲမှာတော့ ၂၀၀၅ ခုနှစ်ကတည်းက ကရင်ပြည်နယ် မြောက်ပိုင်း ပဲခူးတိုင်း အရှေ့ဖက်ခြမ်းတွေက အရပ်သား ပြည်သူလူထုအပေါ် စံနစ်တကျ လူ့အခွင့်အရေးချိုးဖောက်တွေကို မှတ်တမ်းပြုထားပြီး မြန်မာနိုင်ငံ အရှေ့ဖက်ခြမ်းဒေသမှာ လူသားမျိုးနွယ်အပေါ် ကျူးလွန်တဲ့ ရာဇ၀တ်မှုတွေ ရှိတယ်လို့ အစီရင်ခံခဲ့ပါတယ်။ ဒါ့အပြင် ကုလသမဂ္ဂ အထွေထွေ ညီလာခံကြီးကနေ မြန်မာနိုင်ငံကိစ္စ ဆုံးဖြတ်ချက် ၁၉ ခု ရှိထားပေမဲ့ မြန်မာအစိုးရဟာ ဒီအကြံပြုချက်တွေကို လိုက်နာဖို့ ပျက်ကွက်နေတယ် ဆိုတာကို AI အဖွဲ့ကြီးက ထောက်ပြထားပါတယ်။

အစ္စရေးနဲ့ ပါလက်စတိုင်း အကြား ငြိမ်းချမ်းရေး ဆွေးနွေးမှုတွေ ပြန်လည် စတင်တဲ့အပေါ် အီရန်သမ္မတ မာမွတ် အမာဒင်နဂျတ် (Mahmoud Ahmadinejad) က ဝေဖန် ပုတ်ခတ်လိုက်ပြီး ဆွေးနွေးပွဲ ပျက်ဆီးမှာပဲလို့ ပြောလိုက်ပါတယ်။

ပါလက်စတိုင်းတွေရဲ့ ကံကြမ္မာကို ပါလက်စတိုင်းတွေသာ ဆုံးဖြတ်နိုင်မှာဖြစ်ပြီး အနောက်တိုင်းသားတွေ မဟုတ်ဘူးလို့ ဆိုပါတယ်။ ခုခံ တိုက်ခိုက်ရေး နည်းလမ်းကသာ ပါလက်စတိုင်းတွေရဲ့ အခွင့်အရေးရအောင် စွမ်းဆောင်ပေးနိုင်မယ်လို့ သူက ပြောပါတယ်။

ပါလက်စတိုင်း လူမျိုးတွေကို ထောက်ခံတဲ့နေ့အဖြစ် အီရန်နိုင်ငံမှာ သတ်မှတ်ထားတဲ့ Quds နေ့ လို့ခေါ်တဲ့ ရာမာဒန် ဥပုဒ်ကာလရဲ့ နောက်ဆုံး သောကြာနေ့ ဖြစ်တဲ့ ဒီကနေ့မှာ အီရန်ခေါင်းဆောင်က အခုလို ပြောကြားလိုက်တာပါ။ ဒီအခမ်းအနားကိုတက်လာကြတဲ့ ထောက်ခံသူတွေက မစ္စတာ အမာဒီနဂျတ်ရဲ့ မိန့်ခွန်းကို ကောင်းချီးသြဘာပေးပြီး အစ္စရေး ကျဆုံးပါစေဆိုတဲ့ ကြွေးကြော်သံတွေကို အော်ဟစ်ခဲ့ကြပါတယ်။

အစ္စရေးဝန်ကြီးချုပ် ဘန်ဂျမင် နာတာယာဟူး (Benjamin Netanyahu) နဲ့ ပါလက်စတိုင်း သမ္မတ မာမွတ် အာဘက်စ် (Mahmoud Abbas) တို့ ၂ နှစ်အတွင်း ပထမဆုံးအကြိမ် တိုက်ရိုက် ငြိမ်းချမ်းရေး ဆွေးနွေးပွဲတွေ ကြာသပတေးနေ့က ပြန်စပြီး နောက်တနေ့မှာ အီရန်သမ္မတက အခုလို ပြောကြားလိုက်တာပါ။

အသေးစား တိုက်ခိုက်မှုတွေကို ခွဲထွက်ရေး မူစလင်တွေ လုပ်နေတဲ့ ထိုင်းနိုင်ငံ တောင်ပိုင်းမှာ စစ်သားတွေနဲ့ လက်နက်ကိုင် သောင်းကျန်းသူတွေကြား အပြန်အလှန် ပစ်ခတ်မှုကြောင့်၂ ယောက် သေဆုံးသွားပါတယ်။ စစ်သားတစ်ယောက်နဲ့ လက်နက်ကိုင် တစ်ယောက် ရာလ ခရိုင်မှာ ဒီနေ့ သောကြာနေ့ မနက်ပိုင်းက ပစ်ခတ်မှုအတွင်း သေဆုံးသွားတယ်လို့ သက်ဆိုင်ရာက ပြောပါတယ်။

စစ်သား ၂ ယောက်လည်း ဒဏ်ရာရ သွားပါတယ်။ ဒေသတွင်းက အရင် အကြမ်းဖက်မှုတွေနဲ့ ဆက်နွှယ်နေတဲ့ သောင်းကျန်းသူ တစ်ယောက်ကို Gado ရွာက အိမ်တစ်အိမ်မှာ စစ်သားတွေက ဝင်ဖမ်းရာက အပြန်အလှန် ပစ်ခတ်မှုတွေ ဖြစ်ခဲ့တာပါ။

သီးခြားသတင်းတခုကတော့ တောင်ပိုင်းကပဲ ပါတာနီ ခရိုင်မှာ ကားမောင်းသွား နေတဲ့ မူစလင် ရွာသူကြီးတယောက် ကြာသပတေးနေ့ ညပိုင်းက ပစ်သတ်ခံရပါတယ်။ ၂၀၀၄ ခုနှစ်ကတည်း ကစလို့ ထိုင်းတောင်ပိုင်းက ရာလ၊ ပါတာနီနဲ့ နာရသီဝတ် ခရိုင်တွေမှာ လူနည်းစု မလေးလူမျိုး မူစလင်တွေနဲ့ ပဋိပက္ခကြောင့် သေဆုံးသူ ၄,၀၀၀ ကျော် ရှိသွားပါပြီ။ အဲဒီခရိုင် ၃ ခုမှာ နေထိုင်ကြသူ ၈၀ ရာခိုင်နှုန်းက မူစလင်တွေ ဖြစ်ကြပါတယ်။

၂၀၁၀ ရွေးကောက်ပွဲကို သပိတ်မှောက်ဖို့ ပြည်သူ့လွှတ်တော် ကိုယ်စားပြုကော်မတီ (CRPP) က ဆုံးဖြတ်လိုက်ပါတယ်။ အမျိူးသား ဒီမိုကရေစီချုပ် (NLD) က ရွေးကောက်ပွဲကို သပိတ်မှောက်ဖို့ ပြီးခဲ့တဲ့ သြဂုတ်လ ၁၉ ရက်နေ့က ဆုံးဖြတ်ချက် ချခဲ့ပြီးနောက်ပိုင်း အလားတူ ဆုံးဖြတ်ချက်ကို CRPP အဖွဲ့က ဒီကနေ့ ဆုံးဖြတ်ချလိုက်တာလည်း ဖြစ်ပါတယ်။ ဒီအခြေအနေ အပြည့်အစုံကိုတော့  မသင်းသီရိက တင်ပြထားပါတယ်။

ဒီမိုကရေစီစံနစ်အတွက်ရော၊ အခွင့်အရေး တိုင်းရင်းသားတွေရဲ့ အခွင့်အရေးကို ဖော်ဆောင်ပေးနိုင်မှာမဟုတ်လို့ အများပြည်သူက လက်မခံတဲ့ ၂၀၀၈ ဖွဲစည်းပုံကို အတည်ဖြစ်စေမယ့် ၂၀၁၀ ရွေးကောက်ပွဲကို  CRPP အဖွဲ့က သပိတ်မှောက်တယ်လို့ ဒီကနေ့ ဆုံးဖြတ်ချက်ချလိုက်တာပါ။ အမျိူးသား ဒီမိုကရေစီ အဖွဲ့ချုပ် NLD က ပြီးခဲတဲ့ သြဂုတ်လ ၁၉ ရက်နေ့ကပဲ ရွေးးကောက်ပွဲကို သပိတ်မှောက်ကြောင်း ထုတ်ပြန်ကြေညာအပြီး  အခု CRPP အဖွဲ့ဆီက အလားတူ ဆုံးဖြတ်ချက်  ထွက်လာတာပါ။

အရင်ကတည်းကလည်း ရွေးကောက်ပွဲကို လက်မခံဘူးလို့ CRPP က  သဘောထားတွေကို ထုတ်ပြန်ထားပြီး ဖြစ်ပေမဲ့ ဒီကနေ့မှာတော့ အများပြည်သူ တရားဝင် သိရှိအောင် ဆုံးဖြတ်ချက်ချ ထုတ်ပြန်ခဲ့တာ  ဖြစ်တယ်လို့ အဖွဲ့ရဲ့ အတွင်းရေးမှူး ဦးအေးသာအောင်က  ပြောပါတယ်။

“CRPP အဖွဲ့ဝင်များဖြစ်ကြတဲ့ ရခိုင်ဒီမိုကရေစီအဖွဲ့ချုပ်၊ မွန်အမျိုးသား ဒီမိုကရေစီအဖွဲ့ စသည်အားဖြင့် မီဒီယာတွေမှာ ဒါမှ မဟုတ်ရင်လည်း ကျေညာချက်တွေ ထုတ်ပြီးတော့ ဆုံးဖြတ်ပြီး ပြောပြီးဖြစ်ပါတယ်။ အဲဒီတော့ ဒီနေ့ကတော့ ၂၀၁၀ ရွေးကောက်ပွဲ နဲ့ပတ်သက်လို့ အမျိုးမျိုး ပြောဆိုတာတွေ ကြားနေရတယ်လေ။ ဒီအပေါ်မှာ ပြည်သူတွေအနေနဲ့ရော၊ နိုင်ငံရေးအဖွဲ့ဝင်တွေ အနေနဲ့ရော တခါတည်း တသဘောတည်းကို နားလည်မှုရနိုင်အောင် CRPP အနေနဲ့ တခုတည်းသော အသံ ဖြစ်တဲ့အတွက် ၂၀၁၀ ရွေးကောက်ပွဲကို သပိတ်မှောက်တယ် ဆိုတဲ့ ဆုံးဖြတ်ချက်ကို ထုတ်ပြန်လိုက်တာပါ။”

အခုရွေးကောက်ပွဲမှာ တိုင်းရင်းသားပါတီတချို့ ၀င်ရောက်ယှဉ်ပြိုင်ကြမှာ ဖြစ်ပါတယ်။ ဒီတိုင်းရင်းသား ခေါင်းဆောင်တွေ အနေနဲ့ရော တခြား နိုင်ငံရေးပါတီတွေပါ အခု ရွေးကောက်ပွဲဟာ နိုင်ငံရေးပြသနာတွေ အားလုံးကို ပြေလည်အောင် ဖြေရှင်းနိုင်မယ့် အခွင့်အလမ်း မရှိဘူးဆိုတာကို သတိထား သုံးသပ်စေချင်တယ်လို့လည်း  ဦးအေးသာအောင်က ပြောပါတယ်။

“တိုင်းရင်းသားပါတီများအနေနဲ့ပဲဖြစ်ဖြစ် ဒီမိုကရေစီကို လိုလားတဲ့ နိုင်ငံရေးပါတီများ အနေနဲ့ပဲဖြစ်ဖြစ် ရွေးကောက်ပွဲကို ၀င်တဲ့နေရာမှာ တကယ်တော့ တိုင်းပြည်အတွက် တိုင်းရင်းသားလူမျိုးအတွက် ဆောင်ရွက်နိုင်တဲ့ အခွင့်အလမ်းတွေ မရှိနိုင်ဘူးလို့ အဲန်ကယ်လ်တို့က သုံးသပ်ပါတယ်။ ဒါကြောင့်လဲ ၂၀၀၈ ဖွဲ့စည်းအုပ်ချုပ်ပုံ အခြေခံဥပဒေမှာ ဒီလို ဆောင်ရွက်နိုင်မယ့် အခွင့်အလမ်းတွေ ပေးမထားဘူး၊ စစ်တပ်ကပဲ ချုပ်ကိုင်ထားမယ့် ဖွဲ့စည်းအုပ်ချုပ်ပုံ အခြေခံဥပဒေ ဖြစ်တယ်ဆိုတာကို အခု ၂၀၁၀ ရွေးကောက်ပွဲကို ကျင်းပဖို့ နီးလာတဲ့အခါ ပိုပြီးတော့ သိသာထင်ရှားလာတာ တွေ့ရတယ်။”

ဒါပေမဲ့ တိုင်းရင်းသားဒေသတချို့မှာ ဖြစ်နေတဲ့ ပြဿနာတွေ၊ လက်တွေ့ကြုံနေရတဲ့ အခက်အခဲတွေကို ဖြေရှင်းနိုင်ဖို့အတွက် မလွဲမသွေ ရွေးကောက်ပွဲဝင်ဖို့ လိုတာကြောင့် ဖြစ်တယ်လို့ ရွေးကောက်ပွဲဝင်ကြမယ့် တိုင်းရင်းသား ခေါင်းဆောင်တချို့က ပြောပါတယ်။ ဒါ့ကြောင့် တိုင်းရင်းသား ခေါင်းဆောင်တွေ ပါဝင်တဲ့ CRPP အဖွဲ့အနေနဲ့ ဒီအခြေအနေတွေကို မျက်ကွယ်ပြုရာ ကျမနေဘူးလားလို့ ကျမ မေးကြည့်ပါတယ်။

“ဒီလိုပြောလို့တော့ မရပါဘူး။ ဘာကြောင့်လဲဆိုတော့ ဒီနေ့ပြည်နယ် အသီးသီးမှာ တိုင်းရင်းသားပါတီတွေကပဲ နေရာရရ တခြား ပါတီတွေကပဲ အနိုင်ရရ၊ ဒီပြည်နယ်တွေကို ပေးထားတဲ့ ပြည်နယ်ဥပဒေပြုခွင့်အာဏာ အရကိုယ်နှိက်ကိုက ဘာမှမလုပ်နိုင်တဲ့ အခွင့်အလမ်း အလားအလာ မရှိတဲ့အတွက်ကြောင့် ပြည်နယ်ကို ကိုယ်စားပြုတဲ့ ပါတီတွေကပဲ နိုင်နိုင်၊ တခြား အဖွဲ့ဝင်တွေကပဲ နိုင်နိုင်၊ ဘာမှ ပြည်နယ်အတွက် တိုင်းရင်းသားတွေအတွက် လုပ်ပေးနိုင်မယ့် အခွင့်အလမ်း မရှိပါဘူး။”

CRPP အဖွဲ့ရဲ့ အတွင်းရေးမှူး ဦးအေးသာအောင် ပြောပြခဲ့တာပါ။ ဒီကနေ့ CRPP အဖွဲ့ရဲ့ လစဉ် ပုံမှန်ကျင်းပတဲ့ အစည်းဝေးမှာ NLD အပါအ၀င် တိုင်းရင်းသား အဖွဲ့အသီးသီးဟာ မြန်မာပြည် ဒီမိုကရေစီ ရရှိရေးအတွက် ရွေးကောက်ပွဲ ပြီးသွားရင်လည်း ဆက်လက်ကြိုးပမ်း ဆောင်ရွက်သွားမှာ ဖြစ်သလို ဒီမိုကရေစီ အခွင့်အရေး တိုင်းရင်းသား အားလုံး အခွင့်အရေးတွေအတွက် ပင်လုံမှု ပင်လုံ သဘောတူညီချက် တွေကို အခြေခံတဲ့ စစ်မှန်တဲ့ ပြည်ထောင်စု ဖွဲ့စည်း အုပ်ချုပ်ပုံ အခြေခံဥပဒေတခု ချမှတ်နိုင်ဖို့အတွက်ကိုလည်း CRPP အဖွဲ့က ဆက်လက် ကြိုးပမ်းသွားကြဖို့ ကိစ္စကို သဘောတူခဲ့ကြတယ်လို့လည်း ပြောပါတယ်။

နယ်ခြားစောင့်တပ်အသွင် ပြောင်းဖို့ တောင်းဆိုထားတဲ့ရက် ကျော်လွန်လာတဲ့နောက်မှာ ၀တပ်ဖွဲ့တွေက သူတို့ဒေသ လုံခြုံရေးအတွက် တိုးမြှင့် ဆောင်ရွက်နေပါတယ်။ တချိန်တည်းမှာပဲ အဲဒီဒေသကိုလာရောက် အလုပ်လုပ်ကိုင်နေတဲ့ ၀န်ထမ်းတွေနဲ့ ဒေသခံ မဟုတ်သူတွေဟာ တိုက်ပွဲဖြစ်ပွားမှာ စိုးရိမ်ပြီး နေရပ်ပြန်တာတွေ ရှိနေသလို ၀နယ်မြေ အတွင်းမှာ တာဝန်ချထားတဲ့ အစိုးရ စစ်တပ်ဖွဲ့တွေကိုလည်း ပြန်လည် ခေါ်ယူတာတွေ ရှိနေပါတယ်။ ဒီအခြေအနေ အပြည့်အစုံကို ထိုင်းအခြေစိုက် သတင်းထောက် ကိုမိုးဇော်က တင်ပြထားပါတယ်။

နယ်ခြားစောင့်တပ်အသွင် ပြောင်းဖို့ ငြင်းဆန်ထားကြတဲ့ ၀၊ မိုင်းလား၊ ကချင်၊ မွန်နဲ့ ကရင် စတဲ့ အပစ်ရပ် တိုင်းရင်းသား လက်နက်ကိုင် အဖွဲ့တွေကို မြန်မာစစ်အစိုးရက ဒီလ ၁ ရက်နေ့မှာ နောက်ဆုံးထား အသွင်ပြောင်းဖို့ တောင်းဆိုထားတာပါ။ ဒီလို အသွင်ပြောင်းဖို့ လက်မခံဘူးဆိုရင် ဒီအဖွဲ့တွေကို အပစ်မရပ်ခင်က အခြေအနေအတိုင်း သတ်မှတ် ဆက်ဆံသွားမယ်လို့လည်း ပြောဆိုထားပါတယ်။ ဒီတောင်းဆိုချက်ကို ၀ပြည်သွေးစည်းညီညွတ်ရေး တပ်မတော်က ထပ်မံ ငြင်းဆန်လိုက်ပြီးတဲ့ နောက်မှာတော့ သူတို့ ၀ဒေသရဲ့မြို့တော် ပန်ဆန်းမှာ လုံခြုံရေးတွေကို တိုးမြှင့်ထားပါတယ်။

“ကျနော်တို့ အိမ်ပေါ်မှာလည်း တပ်စခန်းနဲ့ လာစောင့်နေတယ်။ မြို့ထဲမှာလည်း မြို့ပတ်ြ့ပီး လုံခြုံရေးကို ကားနဲ့ပတ်တာတမျိုး၊ နောက်ပြီး လူတွေ သက်သက် ပတ်တာကတမျိုးနဲ့ ညကရင်လည်း လိုက်စောင့်တယ်လေ။ ညကျရင် ၉ နာရီလောက်ဆို လူမရှိတော့ဘူး။ ကားသံတွေ ဆိုင်ကယ်သံတွေလည်း မကြားဘူး။ သူတို့က ဘယ်လိုပြောမလဲ လမ်းလျှောက်တဲ့သူတွေနဲ့ မကောင်းတဲ့သူတွေကို သူတို့လိုက်ဖမ်းတယ်။ ကျေးရွာထဲမှာလည်း သူတို့ စစ်တပ်နဲ့စောင့်တယ်။ မြို့အနီးစပ်မှာတော့ သူတို့ ပြည်သူ့စစ်တွေ ချထားတယ်။”

ဒါကတော့ ပန်ဆန်းက ဒေသခံတယောက် ပြောသွားတာဖြစ်ပါတယ်။

ဒီလို လုံခြုံရေး တိုးမြှင့်လာပြီးတဲ့နောက်မှာတော့ ၀ဒေသမှာ လာရောက် အလုပ်လုပ်ကြတဲ့ အစိုးရ၀န်ထမ်းနဲ့ အရပ်သားတွေဟာ နေရပ်ကို ပြန်နေကြတယ်လို့ သူက ဆက်ပြောပါတယ်။

“ဒီရက်လည်း ပြန်တယ်။ လွန်ခဲ့တဲ့ လေးငါးရက်ကလည်း ပြန်တယ်။ နေ့တိုင်းပဲ။ ကျန်နေတဲ့သူတွေကို ၀ အာဏာပိုင်တွေက ၀င်ဖမ်းတယ်လေ။ အစိုးရ၀န်ထမ်းရော၊ တချို့က ၀န်ထမ်းမဟုတ်တဲ့သူတွေ ပြန်ကြတယ်။ ဒီနေ့တော့ လိုင်းကား သုံးလေးစီး ရှိတယ်။ ပြန်တာ တော်တော်များတယ်။ တရက်ကို ကား နှစ်စီးသုံးစီးလောက် ရှိတယ်။ ပြန်ကြတာလေ။ တချို့ကလည်း ဒီမှာ မနေရဲဘူး၊ ဒီမှာ ရှုပ်ထွေးမယ်ဆိုတော့လေ။ ဘယ်လိုပြောမလဲ ဆိုင်ကယ်တွေလာပြင်၊ ကားတွေလာပြင်နဲ့ ထောက်လှန်းရေးလိုယောင်ယောင် လူတွေလည်း တချို့က နေလို့မရတော့ဘူးလေ။ နောက်ပြီးတော့ နေထိုင်ခွင့်လက်မှတ် မရှိရင်လည်း ဖမ်းတယ်လေ ဒီမှာက။ တအားဖမ်းမိတယ်၊ ဖမ်းတယ်။ သူတို့အနေနဲ့ လက်မှတ်မရှိဘူးဆိုရင် ၀ အာဏာပိုင်တွေက ဖမ်းတယ်။”

ဒီကနေ့ မနက်ပိုင်းမှာတော့ မြန်မာစစ်အစိုးရက ၀နယ်မြေ ပန်ဆန်းမှာ ထားရှိတဲ့ ခမရ (၃၂၆) နဲ့ မိုင်းမောမှာထားရှိတဲ့ ခလရ (၁၂၇) တို့ကို ပြန်လည် ခေါ်ယူခဲ့ပါတယ်။ ဒီလိုတပ်တွေ ပြန်လည် ခေါ်ယူတာကို ၀တပ်မှူးတယောက်က အတည်ပြုပေမဲ့ အသေးစိတ် အခြေအနေကိုတော့ မပြောပါဘူး။

နယ်ခြားစောင့် တပ်ဖွဲ့စည်းရေးကို ငြင်းဆန်ထားတဲ့ NDAA ခေါ် အမျိုးသား ဒီမိုကရေစီ သွေးစည်းညီညွတ်ရေး တပ်မတော် အခြေစိုက်ရာ မိုင်းလားဒေသ အတွင်းက ၀န်ထမ်းတွေကိုလည်း ဒီရက်ပိုင်းမှာပဲ တြိဂံတိုင်း တိုင်းမှူးက ပြန်လည်ခေါ်ယူထားပါတယ်။ ဒီအခြေအနေကြောင့် ဒေသခံတွေဟာ တိုက်ပွဲတွေ ပြန်ဖြစ်မလားဆိုပြီး စိုးရိမ်တာတွေလည်း ရှိနေပါတယ်။

ဒီလို ၀နဲ့ မိုင်းလား ဒေသအတွင်းက လက်ရှိအခြေအနေ အပေါ်မှာတော့ တရုတ်-မြန်မာနယ်စပ် ဒေသက စစ်ရေးနိုင်ငံရေး လေ့လာသူ ဦးအောင်ကျော်ဇောက အခုလို သုံးသပ်ပါတယ်။

“၀ပြည်ကို ဒါမျိုးနဲ့လုပ်မယ်ဆိုရင် အနိမ့်ဆုံး ၅ လ ၆ လလောက် ဒီကိစ္စက ပြတ်ဖို့မလွယ်ဘူး။ အဲဒီတော့ ဒီလိုရွေးကောက်ပွဲနဲ့ အင်မတန် အလုပ်ရှုပ်နေတဲ့ ကာလမျိုးမှာ ဒီလို စစ်ဆင်ရေးကြီး လုပ်ဖို့ဆိုတာ တကယ် မလွယ်ပါဘူး။ ဖြစ်နိုင်တဲ့အချက်တခုကတော့ တဖက်က ခြိမ်းခြောက်တာဖြစ်တယ်။ တဖက်ကတော့ တကယ်လုပ်မယ်ဆိုတဲ့ အခြေအနေတခုလောက် အထိပေါ့ သတ်မှတ်ထားတဲ့အချိန်နဲ့ သတ်မှတ်ထားတဲ့ ဒေသမှာ ခြေလျင်တပ် တပ်သိမ်းမယ့် တိုက်ပွဲမျိုး တချို့တော့ ဖန်ဆီးရင် ဖန်တီးမယ်။ ၀နယ်မြေရဲ့ အစွန်အဖျား တချို့နေရာတွေ၊ ဆိုပါတော့ မက်မန်းခြံတို့၊ နန်တုန် တို့ဘက်တွေမှာ အခုထက်ထိလည်း သူတို့က အလှမ်းဝေးပါတယ်။ အဲဒီနေရာတွေမှာ တပိုင်တနိုင်ပေါ့နော် စစ်ဆင်ရေးတခုလုပ်ပြီးတော့ သူတို့က နေရာတနေရာ တက်ယူတာမျိုးတော့ ဖြစ်နိုင်တယ်ဗျာ။ ဒါမှမဟုတ် သာလုံရှေ့က ညောင်စူချန်း တို့ဘာတို့ နေရာတွေ တက်ပြီးတော့ယူတာ အဲဒါမျိုးတွေပေါ့။”

မြန်မာစစ်အစိုးရက အပစ်အခတ် ရပ်စဲထားတဲ့ တိုင်းရင်းသား လက်နက်ကိုင် တပ်ဖွဲ့တွေကို လွန်ခဲ့တဲ့နှစ် ဧပြီလတည်းက နယ်ခြားစောင့်တပ် ဒါမှမဟုတ် ပြည်သူ့စစ်အဖြစ် အသွင်ပြောင်းဖို့ တောင်းဆိုခဲ့တာပါ။ ဒီနှစ် ဧပြီလကုန်ကိုလည်း အသွင်ပြောင်းဖို့ နောက်ဆုံးရက် အဖြစ် သတ်မှတ်ခဲ့ဖူးပြီး ၀နယ်မြေအတွင်းက အစိုးရ၀န်ထမ်းတွေကို တကြိမ်ပြန်လည် ခေါ်ယူခဲ့ပါတယ်။